洗牙迷思？洗牙真的會令牙縫變大嗎？
經常有人問，醫生點解洗完牙之後我d牙縫大左嘅？呢個係非常常見嘅誤解。
但事實上洗牙係唔會有呢個問題發生，洗牙既時候我地係用超聲波儀器震走牙縫之間既牙石，通常因爲牙石被洗走後原本自己的牙縫露左出黎，牙齒只係恢復自己原有嘅樣和真實嘅縫隙。而原本有牙石既位置牙肉都比較腫脹，所以清走曬牙石之後腫脹的牙肉會消腫，恢復後就會有種洗完牙齒之後牙縫變大的錯覺出現。
洗牙的真正作用係清除『牙結石』，牙結石係由牙菌膜鈣化變硬而形成的。如果長期堆積牙石嚴重後果會形成牙周病、口臭、牙齒鬆動甚至最終導致牙齒自行鬆動脫落。
所以洗牙後牙縫會變大只係一種錯覺。洗牙係維護口腔健康非常重要嘅預防治療，請務必定期半年至九個月搵你嘅醫生洗牙啦！